Fasteignaumsjón

Starfsemi fasteignaumsjónar skiptist annars vegar í fasteignaumsjón og hins vegar vöktun og húsvörslu í Hátúni 10.

Fasteignumsjón sér um standsetningu íbúða og skipuleggur viðhald á eignasafni félagsins. Fimm starfsmenn á vegum Brynju sinna viðhaldi fasteigna félagsins og auk þess hefur félagið nokkurn fjölda verktaka sem sinna viðhaldsverkefnum á sviði pípulagninga, rafmagns, múrverks og flísalagna, málningar, dúklagningar, parketlagningar, lokaþrifa íbúða, ræstingar og lóðaumhirðu.

Helstu verkefni fasteignaumsjónar eru:

• Hagkvæm innkaup á rekstrarvörum og byggingarvörum.
• Samningar við undirverktaka sem sinna þjónustu við fasteignaumsjón.
• Móttaka viðhaldsbeiðna leigjenda og úrlausn þeirra beiðna.
• Móttaka og standsetning nýrra íbúða.
• Móttaka eldri leiguíbúða þar sem ástand þeirra er metið og verkáætlun gerð um standsetningu eða tillaga um sölu eignarinnar ef hún svarar ekki kröfum Brynju um leiguíbúðir.
• Lokaþrif íbúða fyrir afhendingu til leigjenda.
• Skipulag á reglubundnum þrifum og ræstingu í þeim eignum þar sem Brynja er ábyrgt fyrir þrifum.
• Skipulag sorphirðu og sorpflokkunar á vegum félagsins.
• Skipulag viðhalds allra fasteigna félagsins.
  
  

Helstu verkefni húsvörslu og vöktunar í Hátúni 10:

• Húsvarsla og vöktun í Hátúni 10 alla daga ársins allan sólarhringinn.
• Tryggja öryggi íbúa í Hátúni 10, 10a og 10b og þeirra sem eiga erindi í húsin og nýta þá þjónustu sem er þar í boði.
• Tilfallandi þjónusta við íbúa og starfsmenn í húsunum í takt við það sem getur talist eðlilegt.
• Eftirlit og eftirfylgni með öllum húskerfum og ábendingar um það sem betur má fara og þarfnast viðgerðar.
• Umsjón og eftirlit með rafrænum vöktunarkerfum í Hátúni 10 og Sléttuvegi 7 og 9.