BRYNJA leigufélag

BRYNJA leigufélag ses, Hátúni 10C, er sjálfseignarstofnun, stofnað 1. nóvember 1965. Hlutverk félagsins er að eiga og reka íbúðir fyrir öryrkja. Tilgangi sínum nær félagið með því að kaupa og byggja leiguíbúðir.

BRYNJA OPNAR FYRIR UMSÓKNIR FRÁ OG MEÐ 1. DESEMBER 2022

Tilkynningar

Frysting á leiguverði í desember, janúar og febrúar.

Stjórn Brynju leigufélags ses. hefur í ljósi mikillar verðbólgu á þessu ári ákveðið að frysta leiguverð næstu þrjá mánuði. Leigan í desember, janúar og febrúar mun þannig haldast óbreytt frá nóvember 2022, en allir leigusamningar félagsins eru bundnir vísitölu neysluverðs til verðtryggingar.Tilgangur Brynju er að kaupa, eiga og reka íbúðarhúsnæði fyrir öryrkja sem leitast er við að leigja þeim gegn eins hóflegu gjaldi og kostur er.Viðskiptavinir Brynju, eins og allir, þurfa að kljást við hækkandi verðbólgu og vexti.  Mánaðarleg leiga hefur hækkað um 8,3% á árinu 2022 sem svarar til þess að búið sé að bæta 13. mánuðinum við árið. Guðbrandur Sigurðsson framkvæmdastjóri félagsins segir: „Verðbólga og hækkandi vextir setja þrýsting á alla í samfélaginu, en mest þó á þá sem hafa minnst á milli handanna. Brynja vill styðja við bakið á sínu fólki með því að gefa leigjendum sínum verðbólgufrí næstu þrjá mánuðina. Eitt mikilvægasta hagsmunamál Brynju og leigjenda félagsins er að viðhalda lágri verðbólgu og lágum vöxtum.“Fyrirkomulagið leiguverðsfrystingunni verður þannig að leiguverð í mars 2023 hækkar um sem svarar hækkun vísitölu neysluverðs til verðtryggingar frá febrúar til mars 2023.

Brynja opnar biðlista

Mikilvægur áfangi náðist í starfi Brynju leigufélags ses. þegar opnað var fyrir rafrænar umsóknir í gengum mínar síður á vef félagsins. Þar er einnig að finna nýjar úthlutunarreglur Brynju varðandi reglur um úthlutun leiguíbúða.
Þeir aðilar sem hafa ekki tök á að sækja um rafrænt hafa möguleika á að panta viðtal í netfanginu brynjaleigufelag@brynjaleigufelag.is og fá það aðstoð við gerð umsóknar.
Til að geta sótt um að fá úthlutað íbúð þarf umsækjandi meðal annars að vera að lágmarki 75% öryrki og falla undir tekju – og eignaviðmið sem eru eftirfarandi fyrir árið 2022:

  • Einstaklingur:
    • 5.995.000 kr. á ári
    • 499.583 kr. á mánuði
  • Hjón/sambúðarfólk:
    • 8.394.000 kr. á ári
    • 699.500 kr. á mánuði
  • Hvert barn undir 20 ára:
    • 1.499.000 kr. á ári
    • 124.917 kr. á mánuði
  • Eignaviðmið: 6.471.000 kr.

Brynja og Hafnarfjarðarbær undirrita samning um íbúðir í Hafnarfirði.

6. maí 2022 Brynja og Hafnarfjarðarbær hafa undirritað samning um stofnframlag til kaupa á íbúðum í Hafnarfirði. Samningurinn gildir um kaup á allt að tíu almennum íbúðum. Stofnvirði kaupáætlunar Brynju nemur alls 562 milljónum króna og nemur stofnframlag Hafnarfjarðarbæjar ríflega 67 milljónum króna.  Brynja mun stefna að því að kaupa nýjar íbúðir í samræmi við samkomulag þetta á árinu 2022 sem ættu þá allar að verða komnar í rekstur á árinu 2023.Meðfylgjandi mynd var tekin í Ráðhúsi Hafnarfjarðar þegar Rósa Guðbjartsdóttir, bæjarstjóri Hafnarfjarðar og Guðbrandur Sigurðsson, framkvæmdastjóri Brynju undirrituðu samninginn.

7 íbúða raðhús að Stapavöllum 16-28 í Reykjanesbæ
2. apríl 2022
Brynja gekk nýlega frá samkomulagi við byggingarverktakann Sparra ehf í Reykjanes um byggingu á 7 íbúða raðhúsi að Stapavöllum 16-28.
Húsin eru hönnuð af Arkís arkitektum. Um er að ræða sex 2ja herbergja íbúðir og eina 3ja herbergja íbúð. Hverri íbúð fylgir sér verönd og útigeymsla. Þá fylgir hverri íbúð bílastæði á lóð. Framkvæmdir eru komnar vel á veg og er stefnt að því að verktakinn skili af sér íbúðunum fullbúnum með frágenginni lóð þann 1. júlí 2023. Íbúðirnar falla undir lög um almennar íbúðir og njóta stofnstyrkja sem nema 18% af áætluðum byggingarkostnaði frá ríkinu og 12% frá Reykjansbæ. Langtímafjármögnun verður á hendi Húsnæðis- og mannvirkjastofnunar.

Nýr framkvæmdarstjóri Brynju leigufélags
Guðbrandur Sigurðsson hefur verið ráðinn framkvæmdastjóri Brynju Leigufélags frá og með 4. nóvember 2021